ಸಾಧಕರ ಪ್ರತಿಭೆಗೆ ಸಾಕ್ಷೀಯಾಗುವ ಕಾರಂತ ಥೀಮ್ ಪಾರ್ಕ್ -ಶ್ರೀ ಅನಂತ್ ಪದ್ಮನಾಭ್ ಐತಾಳ್
ಕೋಟ: ಸದಾ ಮಕ್ಕಳ ಚಟುವಟಿಕೆಗೆ ಪ್ರೇರಣೆಯಾಗುವ ಅವರಲ್ಲಿ ಆತ್ಮ-ವಿಶ್ವಾಸ ತುಂಬುವ ಕಾರಂತ ಥೀಮ್ ಪಾರ್ಕ್ ನಿಜವಾಗಿಯೂ ಸ್ತುತ್ಯಾರ್ಹ.ಸಾಧಕರ ಬದುಕನ್ನು ಅನಾವರಣ ಮಾಡುವ, ನೆನಪುಗಳನ್ನು ಮುಂದಿನ ಜನಾಂಗಕ್ಕೆ ರವಾನಿಸುವ,ಪ್ರತಿಭಾವಂತರನ್ನು ಗೌರವಿಸುವ ಕಾರ್ಯ ಶ್ಲಾಘನೀಯ,ಕಾರಂತ ಥೀಮ್ ಪಾರ್ಕ್ ಕೋಟ ಪರಿಸರದ ಹೆಮ್ಮೆಯ ಜ್ಞಾನ ಮಂದಿರ ಎಂದು ಶ್ರೀ ಕ್ಷೇತ್ರ ಸಾಲಿಗ್ರಾಮ ಧರ್ಮದರ್ಶಿಗಳಾದ ಶ್ರೀ ಅನಂತ ಪದ್ಮನಾಭ್ ಐತಾಳ್ ನುಡಿದರು
ಅವರು ಡಾ|| ಶಿವರಾಮ ಕಾರಂತ ಪ್ರತಿಷ್ಠಾನ(ರಿ.)ಕೋಟ, ಡಾ|| ಕಾರಂತ ಟ್ರಸ್ಟ್(ರಿ) ಉಡುಪಿ, ಕೋಟತಟ್ಟು ಗ್ರಾಮ ಪಂಚಾಯತ್ ವತಿಯಿಂದ ನಡೆದ ತಿಂಗಳ ಸಡಗರ ತೊಳ್ಸಂಬಟ್ಟೆ-2019 ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡುತ್ತಿದ್ದರು.
ಈ ಸಂದರ್ಭದಲ್ಲಿ ವೇದಿಕೆಯಲ್ಲಿ ಕೋಟತಟ್ಟು ಗ್ರಾಮ ಪಂಚಾಯತ್ ಅಧ್ಯಕ್ಷ ರಘು ತಿಂಗಳಾಯ, ಅಂತರಾಷ್ಟ್ರೀಯ ಖ್ಯಾತಿಯ ನಿರ್ದೇಶಕ ಜಿ.ಮೂರ್ತಿ, ಮನು ಹಂದಾಡಿ,ನಿವೃತ್ತ ಅಧ್ಯಾಪಕ ರಾಮದೇವ ಐತಾಳ್, ಕ.ಸಾ.ಪ ಉಡುಪಿ ಜಿಲ್ಲಾಧ್ಯಕ್ಷ ನೀಲಾವರ ಸುರೇಂದ್ರ ಅಡಿಗ, ಸಾಂಸ್ಕೃತಿಕ ಚಿಂತಕರಾದ ಶ್ರೀಮತಿ ಕಲ್ಪನಾ ಭಾಸ್ಕರ್, ಸುಬ್ರಹ್ಮಣ್ಯ ಶೆಟ್ಟಿ, ನಟ ರಘು ಪಾಂಡೇಶ್ವರ್, ಕಾರಂತ ಥೀಮ್ ಪಾರ್ಕ್ ಟ್ರಸ್ಟಿ ಸುಬ್ರಾಯ್ ಆಚಾರ್, ಶ್ರೀಮತಿ ಸುಶೀಲಾ ಸೋಮಶೇಖರ್, ಉಪಸ್ಥಿತರಿದ್ದರು.
ಕಾರ್ಯಕ್ರಮವನ್ನು ಕಾರಂತ ಪ್ರತಿಷ್ಠಾನದ ಟ್ರಸ್ಟಿ ಸತೀಶ್ ವಡ್ಡರ್ಸೆ ನಿರೂಪಿಸಿ, ಕಾರ್ಯದರ್ಶಿ ನರೇಂದ್ರ ಕುಮಾರ್ ಕೋಟ ಸ್ವಾಗತಿಸಿ-ವಂದಿಸಿದರು.
